நீங்கள் தேடியது "பிளாஸ்டிக் கழிவு"

மணிலா:

உலகிலுள்ள பெருங்கடல்களில் ஆண்டுக்கு சுமார் 80 லட்சம் டன் பிளாஸ்டிக் கழிவுகள் கொட்டப்படுவதாகவும், இதே நிலை நீடித்தால் 2050-ல் கடலில் மீன்களைவிட பிளாஸ்டிக் கழிவுகள் அதிகமாக இருக்கும் எனவும் கடந்த ஆண்டு சிங்கப்பூர் தேசியப் பல்கலைக்கழகத்தின் ஆராய்ச்சி கழகம் தெரிவித்தது.

குறிப்பாக சீனா, இந்தோனேசியா, பிலிப்பைன்ஸ், வியட்நாம் மற்றும் தாய்லாந்து ஆகிய 5 ஆசிய நாடுகளில் பிளாஸ்டிக் கழிவுகள் பெரும் பிரச்சினையாக உள்ளது.
இந்த நிலையில் பிலிப்பைன்சின் படாங்காஸ் மாகாணம் மபினி நகரில் உள்ள கடலில் சுமார் 16 அடி நீளம் கொண்ட திமிங்கலம் ஒன்று இறந்த நிலையில் கரை ஒதுங்கியது. சுற்றுச்சூழல் ஆராய்ச்சியாளர்கள் அந்த திமிலங்கத்தை கைப்பற்றி ஆய்வு செய்தனர்.

அப்போது அதன் வயிற்றுக்குள் சுமார் 40 கிலோ பிளாஸ்டிக் கழிவுகள் தேங்கியிருந்ததை கண்டு ஆராய்ச்சியாளர்கள் அதிர்ந்து போயினர். பிளாஸ்டிக் கழிவுகள் வயிற்றில் தேங்கியதால் முறையாக இரை உண்ண முடியாமல் தவித்துவந்த அந்த திமிங்கலம் நோய்வாய்பட்டு இறந்ததாக ஆராய்ச் சியாளர்கள் தெரிவித்தனர்.

கடந்த ஆண்டு ஜூன் மாதம் தாய்லாந்தில் இறந்த திமிங்கலத்தின் வயிற்றில் 80 கிலோ பிளாஸ்டிக் கழிவுகள் கண்டெடுக்கப்பட்டது குறிப்பிடத்தக்கது.   #Whale #PlasticWaste

சென்னை:

நாட்டில் பிளாஸ்டிக் பயன்பாடு அதிகரித்துள்ளது. அதனால் நாள்தோறும் 25,940 டன் பிளாஸ்டிக் கழிவுகள் சேகரிக்கப்படுகின்றன. ஆனால் 40 சதவீதம் பிளாஸ்டிக் கழிவுகள் ஆறுகள் மற்றும் கடலில் கலப்பதால் அவற்றை சேகரிக்க முடிவதில்லை.

இதன் காரணமாக கடலில் சுற்றுப்புற சூழல் பாதிக்கப்படுகிறது. மண் மற்றும் நீரில் மாசு ஏற்படுகிறது. பிளாஸ்டிக்கை திண்பதால் கால்நடைகள் மற்றும் மிருகங்கள் உயிரிழக்கின்றன. திறந்தவெளியில் எரிக்கப்படுவதால் மனிதர்களின் உடல்நலத்துக்கு தீங்கு ஏற்படுகிறது. சுற்றுப்புற சூழலிலும் பாதிப்பை ஏற்படுத்துகிறது.

எனவே ஒரு தடவைக்கு மேல் பயன்படுத்த முடியாத பிளாஸ்டிக் பொருட்களுக்கு தடை விதிக்கும்படி மாநில அரசுகளுக்கு மத்திய அரசு அறிவுறுத்தி உள்ளது. இந்த நிலையில் பிளாஸ்டிக் பயன்பாடு குறித்து சமீபத்தில் ஆய்வு மேற்கொள்ளப்பட்டது.

டெல்லி, சென்னை, கொல்கத்தா, மும்பை, மற்றும் பெங்களூர் உள்ளிட்ட 60 நகரங்களில் இந்த ஆய்வு நடத்தப்பட்டது. அதில் நாட்டில் பயன்படுத்தப்படும் மொத்த பிளாஸ்டிக் பயன்பாட்டில் 50 சதவீதம் மேற்கண்ட நகரங்களில் உபயோகப்படுத்தப்படுவது தெரிய வந்தது.

அதே நேரத்தில் இந்த 60 நகரங்களில் சேகரிக்கப்படும் பிளாஸ்டிக் கழிவுகள் குறித்து கணக்கெடுப்பு நடத்தப்பட்டது. அதில் நாள் ஒன்றுக்கு 4,059 டன் பிளாஸ்டிக் கழிவுகள் சேகரிக்கப்படுவது கண்டறியப்பட்டது.

அவற்றில் சென்னையில் மட்டும் 429 டன் பிளாஸ்டிக் கழிவுகள் சேகரிக்கப்படுகின்றன. இது மொத்தமாக சேகரிக்கப்படும் பிளாஸ்டிக் கழிவுகளில் 9 சதவீதம் ஆகும். அதன்மூலம் சென்னை 2-வது இடம் பெறுகிறது. டெல்லி முதலிடம் வகிக்கிறது. இங்கு தினமும் 689 டன் பிளாஸ்டிக் கழிவுகள் சேகரிக்கப்படுகின்றன. #PlasticWaste